Det er heldigvis mykje me kan gjere for å ta vare på desse fine sjelsvindauga våre, pleie dei ekstra og vise kjærleik til både auge og den sarte huda rundt ❤️
Augebalsam redda meg på telturen!
Telttesten som endra alt - og som framleis held stand ⛺️
Eg utvikla Augebalsam rett og slett fordi eg stadig hadde hovne auge og var møkkalei av det! Våkenetter + småbarnsliv + Vossabia gründerliv + doktorgradsstipendiatstilling på UiB + pendling Voss-Bergen osv = HOVNE auge! 😅
Eg dukka ned i mine urtebøker, gjorde grundige undersøkingar, eg kom på superplanten Arnica Montana (Solblom på norsk) som eg hadde brukt mykje før (Arnica er kjent for mange idrettsutøvarar på grunn av god effekt mot hevelsar og blåmerker). 🌼
Arnica har ei lang historie med heling og hudpleie. Les meir om arnica si rolle innan hudpleie i dette blogginnlegget!
Etter mykje arbeid hadde eg resepten klar i 2007, med ein fantastisk kombinasjon av bivoks og suverene planteoljer. Og eg lovar, den funka! Mine hovne auge var ein saga blott over natta!
Det høyres sikkert for godt ut til å vere sant, men slik var det for meg. Og den ultimate testen gjorde eg på ein campingplass før Etnemarknaden kort etter produktet var ferdig.
Telttur er det aller aller verste for augene mine. Kanskje andre har opplevd det same? Meget fuktig luft i teltet og ganske dårleg søvn, det blir POSER under augene.
Telttesten i Etne:
⛺️ Første natt utan Augebalsam: Eg vakna med hovne auge som ballongar.
⛺️ Andre natt med Augebalsam: Null poser – og eg kunne stå fresh og blid på marknad!
Og no, 18 år seinare, gjentok eg telttesten. Me var på ein magisk fjelltur, og eg hadde sjølvsagt med min telt-essensielle-pakke: Augebalsam, Ringblomstsalve og Panterbalsam.
Me fekk god bruk for alle! Jonatan fekk skrubbsår OG brant seg: Ringblomstsalve redda han! Gigantiske myggsvermer: Panterbalsam redda oss. Teltnatt: Augebalsam redda oss.
Uforskamma fresh etter teltlivet ✨
Bålet vart slukka, eg smurte meg med Augebalsam og me la oss i teltet for natta.
Altså! Det var tortur! 😱 Eg låg på eit 2 cm tynt liggeunderlag (med ein 51 år gamal kropp som kjenner det i ryggen om ikkje overmadrassa er heilt perfekt, hallo Prinsessa på erten), og for å toppe det: eg hadde ein tvangstrøyeaktig sovepose som var veldig trang OG veldig kald! Fy flate! 😂
Eg sov kanskje kun 3 timar! Når eg kraup ut i desperasjon frå det våte teltet kl 0520 så forventa eg å sjå heilt forferdeleg ut. Men neidå – Augebalsam hadde redda meg på ny. Eg såg uforskamma fresh ut!
👉 Etter 18 år blir eg framleis like imponert.
Før og etter ei natt med Augebalsam! Og kun tre timar søvn!
Målet og motivet med Augebalsamen var altså ein augesalve som førebygga og fjerna hovne auge, og sjekk sjekk på den! ✓
Men jammen har kombinasjonen av helsebringande planter gitt utruleg mange andre bruksområde gjennom desse 18 åra og!
Folk rundt i landet har raust delt erfaringar om at Augebalsam ikkje berre funka på poser og hovne auge, men SÅ mykje anna og.
Kundar fortel om gode resultat på tørr, sår og intolerant hud rundt augene. Eksem, rennande auge, linjer, rynker, pigmentflekkar, raudheit i huda, og så varmer det SÅ at mange som ikkje tålar så mykje på huden seier at «Endeleg, noko eg tåler!» 💫
Eg sjølv brukar Augebalsamen både som «øyekrem» og 🌜nattkrem (veksler mellom den og Tindved og Nesle) og huden virkar både yngre og meir spenstig. Og så har du dei som får lengre vipper med Augebalsam.
Ja, ta berre ein kikk på nokon få av kundemeldingar me får:
Ingrediensane – naturleg plantekraft for huden 🌿
Alle desse gode erfaringane kjem ikkje utan grunn. Augebalsam er nemleg ingen vanleg øyekrem. Den er fullpakka med nøye utvalde planteoljer som gjer huda frisk, spenstig og balansert:
- 🌼 Arnica/solblom – dempar hevelsar, betennelse og irritasjon.
- 🍎 Granatepleolje – rik på antioksidantar som reduserer linjer og rynker, og gir ny spenst og glød.
- 🌿 Hampolje – fuktar utan å tette porene, balanserer oljeproduksjon, reduserer akne, roer eksem og irritasjon – og har anti-age-effekt.
- ✨ Squalane (frå oliven) – supermild og pleiande, bevarar fukt, gjer huda silkemjuk og passar til sensitiv hud.
👉 Kombinasjonen av desse fire plantekreftene gjer Augebalsam unik – og forklarar kvifor den har vore redninga til tusenvis gjennom 18 år.
Eg utvikla Augebalsam då Ylva vart fødd i 2007. I dag er ho sjølv ein stor fan!
P.S. Eg digger squalane såpass at eg passar på å få den inn i familiens kost også! Mitt tips der: bruk Amaranthmel i brødbakinga. Amaranthplanten inneheld masse squalane.
Så mykje meir enn ein "øyekrem"
Augebalsam er utvikla for å pleie hovne, såre, auge – men kan altså brukast til mykje meir:
- 🌙 Som nattkrem – og vippeserum.
- 👀 Som sminkefjernar – mild og skånsam.
- 💧 Til sår, eksem og intolerant hud og rennande auge.
- ✨ Til og med ved psoriasis, kviser og pigmentflekkar.
Tips: Lag eit oppfriskande augeskyllevatn med avkjølt te av kamille eller fennikel – perfekt saman med Augebalsam når augene er trøytte.
Disken full av nylaga augebalsam!
PS ♥︎
Visste du at «augebalsam» er nynorsk for øyekrem? Men ikkje kva som helst øyekrem – vår Augebalsam er den mest fløyelsmjuke og effektive! ❤️
Augebalsam leverer gong på gong - Frå teltturar til kvardagsstress, frå eksem til linjer og poser.
Kanskje det er din tur til å oppleve vidunderet?