🌿 Naturen er ikkje alltid lik – og det er nettopp det som er vakkert!

Naturlege ingrediensar er fulle av liv – og kompleksitet.

Plantebaserte ingrediensar har kvar si unike samansetting, og fargen, dufta og konsistensen deira kan endre seg alt etter klima, jordsmonn, innhausting, og foredling. Når desse naturlege råvarene samverkar i produktet, kan det skje små endringar over tid – ikkje som ein feil, men som eit uttrykk for liv. Og dette er noko av det vakraste og mest fasinerande med naturkosmetikk: at produkta er i slekt med naturen – og speglar ho i rørsle og nyansar 🪻😍

Kroppsbalsam med ryllik, perikum og rødkløver frå garden, og økologisk kamilleolje som kan variere frå lysegrøn til mørkegrøn. Augebalsam som har mykje hampolje kan også variere ein del i grøntonen sin. No for tida er hampen skikkeleg mørkegrøn. Superkraft frå naturen i ei lita krukke!

1 - Jordsmonn, vær og vind spelar med 🌧️

Botaniske oljar, tinkturar og ekstraktar endrar seg litt alt etter kvar planten har vakse, korleis vêret har vore, og kva tid på året dei har blitt hausta. Ei lavendelplante frå solrike Sør-Frankrike i juli luktar ikkje heilt likt som ei frå regnfulle fjellsider i september. Det same gjeld fargen på tistelolje, som dei siste par månadane har kome til oss i ein batch med mykje mørkare og djupare farge – noko som har gitt panterbalsam og leppepomader ein ny fargetone. Men effekten? Den er like fantastisk. Og med neste sending av økologisk tistelolje vil det kanskje kome ein liten fargevariasjon igjen 😉

 

2 - Økologiske råvarer lever sitt eige liv 🌿
Når vi vel råvarer som ikkje er syntetisk stabiliserte eller “dressa opp” med kunstige tilsettingar, så får vi med oss heile plantekrafta – og heile variasjonen. Det er noko vi er stolte av, sjølv om det av og til krev litt forklaring.

 Me gler oss stort til rødkløversesongen er i gang!

 

3 - Lukt som endra seg? Nett no har lavendelen dansa i ny duftretning 🪻
Den økologiske lavendeloljen vi brukar no, har ein litt annan duftprofil enn før – ein annan tone, ein annan klang. Du merkar det kanskje i lavendellepper, ringblomstsalve, babysalve og solkremen. Men det er framleis den same roande, hudvenlege og nydelige lavendelen – berre med sitt eige særpreg. For ei god stund sidan opplevde me det same med økologisk eukalyptusolje, og hjernen, som oppfattar naturlege duftar umiddelbart, merka straks at her var det endring i musikken. For naturlege dufter er musikk 🎼 Og sjølv om det med det same opplevdes som ukjent musikk i lavendelen og eukalyptusen, så oppfatta me raskt at dette også var nydelege tonar.

Lavendel og bergmynte i urtestpiralen min. Men, lavendelen me brukar kjem sjølvsagt ikkje frå dette kalde nord, men frå økologisk landbruk i Bulgaria og Frankrike🪻

 

4 - Konsistens – eit spørsmål om temperatur 🌞🥶

Produkta våre lever med deg og miljøet ditt. Når det er kaldt ute – ja, då blir til dømes Mjuke Hender hard og litt vrien å få ut av krukka. Men berre vent – når den får møte varmen frå hendene dine, smeltar den mjukt og deilig. Hårserum kan også stivne i kalde bilar (som i Posten sine bilar på veg til postkassa di), men finn forma si igjen på badet ditt. Og motsatt – i varm sommarvarme blir leppepomader og kroppsbalsamar mjukare. Så unngå å la dei ligge i sola – det forlenger haldbarheita og held dei på sitt beste.

Tenk at det blir dyrka fantastisk tindved så nært som i Lærdal og Vik i Sogn!

 

🌸 Ei viktig lærdom frå naturen – historien om Tindved & Nesle

 

Vår magiske ansiktsbalsam Tindved og nesle er elska av mange – næringstett, rik på vitamin C og A, antioksidantar og full pakke essensielle fettsyrer (til og med omega 7!). Den får huda til å gløde, styrkar, strammar og balanserer 💁♀️ Men – så var det no ein periode me byrja å få litt kjedelege tilbakemeldingar: Etter nokre veker eller månadar dukka det opp små gryn eller klumpar i salven hos fleire kundar. Produktet forlot produksjonsbenken med perfekt konsistens, ikkje antydning til klumpar, så me i produksjonsteamet lurte fælt 😨

 

Me var sjølvsagt oppriktig lei oss, for det kjennes ikkje godt når eit produkt ikkje er så mjukt og perfekt som det skal vere – sjølv om det teknisk sett er like næringsrikt og effektivt. Me tok det på alvor, og starta ei grundig utforsking og etterforsking👩🔬

Eg evaluerte ingrediensar og studerte kjemi og grubla mykje. Og etter mykje lesing, testing, prøving og feiling fann me endeleg ut av det for nokre månadar sidan! Nokre av dei mest fantastiske planteoljane me brukar i dette produktet har eit svært høgt innhald av jod – eit mineral som er heilt nydelig for hudhelsa, men som er ekstremt varmesensitiv. Då forstod eg: desse jodrike ingrediensane hadde blitt tilsett for tidleg i prosessen, då blandinga framleis var litt varm – og det var då joden reagerte og danna små klumpar over tid. Eureka! 💡

Løysinga? Eg endra rekkefølgja i oppskrift og produksjon. No kjem dei jodrike planteoljene inn heilt til slutt – når salven er blitt kald og klar. Resultatet? Ei silkemjuk, klumpefri salve – som held seg slik! 🤩

Me vil beklage på det sterkaste til deg som har opplevd klumpar – og takke for tolmod og tillit. Me lærer heile tida – og deler gjerne med deg, så du også kan forstå kva som rører seg i krukka di 💛

Visste du at studier på tindved viser at den reparerer solskader! Perfekt som after sun altså! Også er det tindved i solkremen også, for eg vil jo passe skikkeleg på huda dykkar når de er i sola og!

 

🌼 La oss feire forskjellane

I ei verd der alt skal vere likt, glatt og forutsigbart, vil me i Vossabia heller feire det sanne og levande. Kvar batch, kvar flaske, kvar krukke – dei er som unike blomar frå same hage. Det betyr ikkje at noko er feil. Det betyr berre at naturen har fått vere seg sjølv – og det kjenner huda di! 🥰

 

💌Nokre gode råd frå oss:
- Opplever du ei endring i duft eller farge? Det er naturens nyanseleik 😁
- Opplever du klumpar? Ta kontakt – me ordnar opp, og forklarar kvifor 🧐
- Er produktet ditt hardt? Hald det i romtemperatur, eller varm det opp med hendene 🤲
- Er produktet ditt mjukare enn vanleg? Unngå for mykje varme – spesielt sol og bil 🥵

 

Kjenn lukta. Sjå nyansen. Kjenn konsistensen. Det er naturen som kviskrar til deg. 🌿