Våre beste vener om vinteren: Urter, honning og Panterbalsam! ❄️🌱🍯🖤

Febril mamma med dobbel hue for å varme vonde bihuler i skibakken 😅 Fint å stå og sjå minstemann øve seg på ski, medan eg planla honningremedier til meg sjølv ⛷️🍯

Forrige helg stod eg på Kikut, ikkje på ski som planlagt, men som ein snørrete støttespelar på sidelinja medan ungane herja i bakken. Bihulene verka, kroppen protesterte, men hovudet var i full sving med å planleggje neste runde med urter, honning og krydder for å nedkjempe utysket som hadde sneke seg inn i systemet mitt. Og då slo det meg: Dette må eg jo dele!
 
For vil me verkeleg at heimen vår skal sjå ut som ein filial av eit apotek? Eller er det betre å ha nokre enkle, naturlege triks i ermet for både førebygging og lindring? I dette nyheitsbrevet deler eg mine beste tips – både for deg som vil ruste kroppen mot vinterens virus, og for deg som allereie sit der med teppet, tekoppen og snytepapira. Håpar du finn noko nyttig – og at du slepp å stå på sidelinja neste gong snøen ropar! ❄️✨
 
Mi skattekiste av urtemagi mot forkjøling og influensa
Når forkjølinga bankar på, grip eg til naturens eige apotek: honning, urter og krydder 🍯🌿 Desse blir til verksame tear, tinkturar og honningblandingar, og eg aukar på med ekstra mykje krydder og kvitløk i maten. Og sjølvsagt – nokre av Vossabia sine produkt, som har redda meg frå tett nase, hovudverk og vond hals utallige gonger 🐝
Her får du mine beste tips til urter og naturlege remedier som kan hjelpe deg gjennom vinteren.

Panterbalsam med sine 4 kraftfulle urter
Panterbalsam har vore ein «livreddar» for meg som har hatt kronisk bihulebetennelse sidan tidlege tenår. Det er fælt å tenke på kor avhengig eg i perioder var av nasespray, ikkje bra! Men, så utvikla eg Panterbalsam for 21 år sidan! WOW! Adios nasespray! 😌

✔️ Smør under nasen ved lett tett nase
✔️ Smør inni naseveggane ved skikkeleg tett nase – fri pust!
✔️ Smør på bryst og rygg for hoste – slim kjem lettare opp
✔️ Smør på bihulene ved bihulebetennelse
✔️ Perfekt ved hovudverk, muskelspenningar og vond nakke!

​Panterbalsam har faktisk mange bruksområde ved forkjøling, bihulebetennelse, influensa:
🌿💚 Smør på ved hodepine (eg smører der det er vondt, og nedover muskler i nakke og ut i skuldre)
🌿💚 Smør utanpå halsen ved begynnande halsvondt (fleire kundar har meldt om symptom som forsvinn dersom ein er kjapt ute ved begynnande halsvondt)
🌿💚 Hoste: smør på bringa og ryggen på både barn og vaksne, så har me erfart at slimet kjem lettare opp
🌿💚 Vondt i bihulane, smør på!
🌿💚 Og har du litt stive skuldre, vondt i ryggen eller andre stader, så er det berre å finne den svarte boksen, la urtene få jobbe og så er det god sjanse for at vondt og verk letter.

Forkjølingssår på lepper er også ganske vanleg, og veldig ubehageleg. Også der tyr mange til Panterbalsam for effektiv hjelp, men også vår gode Ringblomstsalve og Leppepomadane Mynte - og Lavendellepper er gode hjelparar ved slike utbrot.

Honning - gourmet og medisin! Her frå sesongens slynging av eigen honning frå garden 🍯  ​
​

Honning i kombinasjon med kvitløk, løk, krydder og urter kan gjere underverk 🧄🧅🍯  

Sjekk nokre av mine favorittar:

 

🍯 🧄 Honning og kvitløk – Super ved luftvegsplager og bihulebetennelse – har tatt knekken på bihulebetennelsen som ødela skihelga mi no.
- Hakk 4-5 kvitløksfedd
- Ha i eit glas honning (gjerne mørk lynghonning)
- La trekke nokre timar og et 1 ts fleire gonger dagleg

Honning med kvitløk!​

 

🍯 🌱 Honning med rosenrot – Energi & immunforsvar på glas

Dette er ein av mine absolutte favorittar! 🌱 Botaniker Rolv Hjelmstad kallar rosenrot for Norges mest medisinske plante – og det vil eg tru han har rett i. Den styrkjer energi, immunforsvar, hjelper mot stress og er heilt fantastisk for både hår og hud. Difor finn du den også i våre Hårserum og den magiske 

Mjuke Hender med rose og rosenrot.

Slik lagar du rosenrothonning:
- 1 glas honning
- 3-4 ts finhakka rå rosenrot
 👉 Bland godt og et direkte eller rør ut i te.
P.S. Rosenrot er også super å lage tinktur av – det er ein av dei viktigaste urtene i vårt «medisinskap»!
Rosenrot er og knall for hår og hud – og difor finn du den også i våre Hårserum og i den magiske Mjuke Hender med rose og rosenrot.

Honning med rosenrot 💖

 
​🍯 🧅 Honning og løk – Perfekt for hoste og slimløsning
Finhakk ½ kepaløk og bland i ½ glas honning
La stå i minst 6 timar
Ta nokre skjeer dagleg
 

🍯 🔥 Fire Honey
Ein kraftkombo mot slim og forkjøling! Og mykje anna (betennelseshemmande)
- 1 glas honning
- 1 ts kajennepepper, 1 ts svart pepar, 1 ts ceylonkanel, 1 ts gurkemeie, 1 ts malt ingefær (eg brukar berre økologiske krydder).
Bland godt
👉 Ta 1 ts rett i munnen 2-3 gonger om dagen, eller ved behov, eller rør ut i varmt vatn og drikk som te. Pass på at temperaturen har gått litt ned før du blandar i honning.
 
 
Løk, kvitløk, pepperrot (veldig god plante for lungene), og ikkje minst ingefær, gjer godt mot hoste! Desse råvarene er også glimrande å bruke i ein varmande suppe 🍜 bruk for eksempel alle des se i ein god kyllingsuppe som helande mat både før og etter basseluskar har kome i kroppen.

​Urter til te og tinktur – naturens eige apotek 🌿☕️
Når forkjøling og feber kjem snikande, er det gull verdt å ha nokre gode urter på lur. Her er nokre av mine favorittar til både te og tinktur:
 
🌱 Gode urter ved forkjøling og feber:
- Peppermynte – frisk og lindrande
- Ryllik – febernedsetjande og slimløysande
- Ringblomst – betennelsesdempande, reinsande og immunstyrkjande
- Rødkløver – styrkjer kroppen og reinsar
- Salvie – kraftfull ved sår hals
- Mjødurt – naturens eige febernedsetjande middel
- Brennesle – mineralrik og styrkjande
- Timian – hostelindrande og antibakteriell
- Sitronmelisse – roande og virusbekjempande

Lag din eigen urte-te 🍵
Du kan variere urtene for ulike smaksopplevingar – og for å tilpasse teen til dine behov!
💡 Mine favorittkombinasjonar:
✔️ Ved slim og tett nase: Ryllik + ringblom
✔️ Ved feber og forkjøling: Ryllik + peppermynte + svarthyll
✔️ Ved sår hals: Lag dine eigne kombinasjonar av nevnte urter og ingefær + honning
Eg tørkar store mengder urter gjennom sesongen, slik at eg har til både Vossabiaprodukt, mat, te og tinkturar heile året. Tinktur (uttrekk i alkohol) er ein enkel måte å bevare og bruke urtene på – eg har alltid tinktur av ryllik, ringblom, brennesle, rosenrot og rødkløver klar!
Nedanfor vil eg gå litt meir inn på nokre planter som gjerne kan bli dine bestevener om vinteren og ved sesongplager som forkjøling ofte er:

 
Ringblom – hudens OG immunforsvarets beste venn! 🌿 ✨

Ringblom (calendula) er som ei skikkeleg kraftkvinne i planteverda og ein av dei mest allsidige urtene eg veit om. Ho er ikkje berre vakker i hagen, men også gull verdt for kroppen, også når du bryggar på noko og treng litt vinteromsorg 🌼 

 

Kvifor bruke ringblom?
💪 Sterkt antimikrobielt middel – førebyggjer og behandlar infeksjonar, styrkjer immunforsvaret og hjelper kroppen med å forsvare seg mot uønskte inntrengjarar.
🦠 Eit av dei beste breispektra naturlege infeksjonsmidla – effektiv mot både bakteriar, virus og sopp.
💧Styrkjer lymfesystemet – lindrar hovne lymfekjertlar, kusma og halsbetennelse.
🌱 Eit sjeldan funn i planteverda – ringblom er både antibakteriell, antiviral, soppdrepande OG immunstimulerande!

 

Ringblom-te – enkelt, kraftfullt og godt! Og perfekt ved forkjøling og influensa!

🍵 Oppskrift:
1–2 ts tørka ringblomblad
1–2 koppar varmt vatn
La trekke i 10 minutt. Eg brukar ofte eit vanleg sylteglas med lok for å halde på den helsebringande dampen.
 👉 Drikk 3–4 koppar dagleg for å støtte immunforsvaret og gje kroppen ekstra pleie.
💦 Bonus: Som mange har opplevd så er ringblom heilt magisk på huden, og vår populære bestselgar Ringblomstsalve er verkeleg vår UniversalDronning! Suveren og ved forkjølingssår på og over lepper og under nasen. Men, lagar du deg ringblom-te for å førebygge eller lindre forkjøling og feber, så vit at den er ikkje berre bra innvortes, men også ein fantastisk hudpleiar! Bruk teen som ein kjølande kompress på irritert hud eller over trøytte auge. Naturens eigen vidundermedisin!
Så om du vil styrke immunforsvaret, hjelpe lymfesystemet eller gi huda litt ekstra kjærleik – la ringblomen bli din nye bestevenn. 🌼🧡 Den har vore min bestis i 21 år! ❤️‍🔥

Solhatt (Echinacea) – urfolksmedisin og immunforsvarets superhelt! 🌿 ✨
Amerikanske urfolk har brukt echinacea i hundrevis av år mot forkjøling, feber og infeksjonar – og no har denne vakre planten blitt ein superstjerne også i moderne tid. Og med god grunn! 💛

Eg dyrkar solhatt på garden, men når eg treng akutt hjelp til immunforsvaret, kjøper eg som regel rød solhatt frå helsekostbutikk. Du kan også finne tørka økologisk rød solhatt til te hos krydra.no. Endå betre: Så din eigen fleirårige medisinplante og ha ein immunstyrkjande skatt i hagen i årevis!

Kvifor bruke solhatt?
💪 Gir immunforsvaret eit kraftig løft
🦠 Ekstremt virusbekjempande – super ved infeksjonar
♻️ Avgiftande og reinsande for kroppen
🔬Aukar både mengda og aktiviteten til dei kvite blodcellene
💧 Forbetrar lymfesirkulasjonen – perfekt ved lymferelaterte tilstandar

Korleis bruke solhatt?
🌱 Tinktur – den mest effektive bruksforma
🍵 Te – gjerne saman med styrkjande urter som nype, hibiskus og ringblom
Echinacea er ikkje berre vakker – den er også ein av dei sterkaste allierte du kan ha for å styrke immunforsvaret og kjempe mot vintervirus. Så kvifor ikkje la denne kraftplanta få plass i både hagen og heimen din? 🌱💚

Sjekk den vakre gule Solhatten i Vossabiahagen 🌼

 

Svarthyll – ei kraftpakke for immunforsvaret og luftvegane
Svarthyll er ein annan superplante mot influensa og forkjøling, og om du ikkje har planten i hagen kan du kjøpe gode svarthyllprodukt. Studier av svarthyll viser svært gode resultat på raskare betring ved muskelvondt, feber og andre plager ved influensa.
Blomane – antivirale, slimløysande, betennelsesdempande, febernedsetjande, og svettedrivande.
Bæra – antivirale, betennelsesdempande, svettedrivande, vanndrivande og eit mildt, styrkjande avføringsmiddel. Gir eit kraftig immunboost!

Kvifor bruke svarthyll?
✔️ Fantastisk støtte ved feber
✔️ Ei glimrande urt for immunforsvaret
✔️ Ein sterk alliert ved forkjøling og influensa – særleg effektiv ved feber
✔️ Blomane – Lindrar rennande nase
✔️ Blomane – Godt slimløysande middel ved hoste, astma og bronkitt
✔️ Blomane – Hjelper ved infeksjonar i luftvegane
Svarthyll kan nytast på utallige måtar – alltid med stor lækjande kraft!
🌿 Svarthyllblomar – tinktur, te, eller sprudlande helsebringande drikkar
🍇 Svarthyllbær – tinktur, sirup, oppskrifter med bær

Ja, vinteren treng altså ikkje bety at du må vere konstant snufsete og sliten.
Med desse naturlege remediene kan du både førebygge, lindre og kanskje til og med unngå å bli skikkeleg sjuk.
Så fyll opp urtehylla, ha Panterbalsam lett tilgjengeleg, og gjer deg klar til å møte vinteren med full kraft! 💚🌿❄️

Varm helsing,
Dronningbia 🐝 i Vossabia