🐝 Bli med inn i bikuben vår – møt folka bak Vossabia! 💛 - Vossabia

🐝 Bli med inn i bikuben vår – møt folka bak Vossabia! 💛

Av Renate Lunde
Del

12 i bikuben – møt folka og favorittane! 🐝💛

I dag opnar me dørene til bikuben vår 🐝 – og du får bli med rett inn i hjartet av Vossabia! Her summar det av engasjement, latter, produksjon, pakking og ikkje minst produktprat – her elskar sjølvsagt alle heile produktserien, men kan det hende nokon produkt er meir favoritt enn andre?
Så… eg tenkte: kva skjer eigentleg om me spør heile gjengen?

Kva gjer eit produkt til ein favoritt?
Er det effekten? Lukta? Kva den gjer for huda? Eller kanskje kjensla av å ha vore med på å lage noko som faktisk hjelper folk?

I dag vil eg ta deg med bak kulissane i Vossabia, og introdusere deg for dei som med glede og engasjement rører, heller, koker sjampo, pakkar og driv med ordrebehandling, etiketterer, svarar telefon og epost, og handterer alle forhandlerbestillinger.
Tenk, snart står me i dette fantastiske nye bygget og fortsetter å lage dei beste produkta for hand. Det blir utruleg å få plass til alt i eitt hus, for no er det tørka urter i kårhuset, pakkekonvolutter i garasjen, produksjon i våningshuset, marknadsmateriell i uthuset og honningslynge i kjelleren.
Me kallar det "12 i bikuben" – ei lita feiring av dei flotte folka som gjer Vossabia til Vossabia.
 
Kvar av dei har plukka fram sin personlege favoritt, og kanskje oppdagar du eit produkt du ikkje har prøvd enno, eller eit nytt bruksområde? Eller at du og ein av oss har same favoritt?
 
Velkomen inn i bikuben – her blir du kjent med både folka og magien me elskar å skape her frå gården. 🌿💛
Miriam har jobba hjå oss veldig kort tid, kun sidan august, men ho og familien har vore entusiastiske Vossabiabrukarar i mange år. Ho vart tilsett som produksjonsmedarbeidar, og har no kome godt inn i kompleksiteten i produkta og er blitt ein viktig del av produksjonsteamet alt.
 
Miriam har vore stylist i LA og lærar på Voss. Me digger dama og hennar mangfaldige kompetanse og evne til å spre glede, og nyt alt av hennar kreativitet på fleire plan.



⭐️⭐️⭐️⭐️⭐️
«Kamillebalsam er blitt ein favoritt etter eg begynte å jobbe her. Eg har hatt mange favorittar, men no er Kamillebalsam blitt familiens nummer 1. 
 
Eg føler me pakker oss inn i et beskyttende teppe når me smører oss med den. Me brukar den ofte om kvelden, på både små og store. Og ungane elsker å få Kamillebalsam på små prikker som klør etter dager med ull, sprukne lepper har blitt mykere enn før, og så er den så fin som fotkrem. Eg bruker den også i hele ansiktet inni mellom, og som leppemaske.
 
Det er rett og slett vår nye universalsalve. Og så er eg rørt av alle den hjelper, for eks mamma som har psoriasis. Den har vært medisinsk for henne, og no har den altså blitt vår nye universal.»
- Miriam

Linda frå Laksevåg begynte hjå Vossabia etter at eg headhunta ho på Nord Kypros for 2 år sidan. Ho har enormt lang butikkerfaring etter å ha drive dyrebutikk i 30 år, og du merker ho er ein dyktig og meget glad selgar når du møter ho på marknad. Ikkje rart ho er blitt marknadsansvarleg!
 
Og så er ho ei meget viktig brikke i forhandlerdelen vår. Ikkje minst er denne gledesstrålen og faktisk sangfuglen full av gode historier og morsomme og gjerne uventa påfunn. Me må stadig høyre Bergenssangen for full hals…

 





⭐️⭐️⭐️⭐️⭐️
«Konglelepper ein av favorittane. Eg valgte Konglelepper, som eg bruker kvar dag. Det er min favoritt leppepomade som har ein fantastisk gyllen farge, og den gjer leppene mine endå mjukare. 
 
Eg har også ein stoltheit rundt produktet for då eg begynte å jobbe hjå Vossabia så var det denne fargen eg sakna i paletten av leppepomadene.
 
Dronningbia Renate, min gode sjef, lyttet til ønsket mitt, og gjorde meg lukkeleg når ho skapte Konglelepper for å tilfredsstille mitt behov.»
- Linda

Helga begynte som ekstrahjelp her i haust, og har jobba masse i det siste. Ho er utruleg driftig og dyktig, kokk av yrke, men har også fullt opp med å renovere ein fjellgard ikkje langt unna her.
 
Me er heldige som har fått denne gode dama med i teamet! Ho pakker, klistrer etiketter, held kontroll på sakene og får det til å gå unna, og alltid med herleg humør!



⭐️⭐️⭐️⭐️⭐️
«Kroppsbalsam med ville urter er mitt favorittprodukt! Det er fordi den har ein ekstra silkemjuk følelse og den kan verkeleg brukast overalt. Eg diggar følelsen av at heile naturen som eg har heime på min eigen gård kjem inn i huset via Vossabiakrukkene og pleier meg på huden. 
 
Etter eg begynte å jobbe her ser eg nemleg mangfaldet av planter på eigen gard på ein ny måte, eg ser fleire plantearter og legger skikkeleg merke til felt med ryllik for eksempel.»
- Helga



⭐️⭐️⭐️⭐️⭐️
«Sitrus kroppsskrubb er heilt fantastisk! Huden får så mykje fuktighet og eg føler den gir kjærlighet til kroppen. Eg får veldig mjuk hud når eg skrubbar meg, det er babyhud next liksom.
 
Og så er det skikkeleg spa-følelse, den skrubbar så godt! I forhold til andre skrubbar har den mykje meir definert skrubbekorn, som eg diggar. Eg treng egentlig ikkje Kroppsbalsam etterpå, som eg brukar når eg ikkje skrubbar meg, men innimellom smører eg Kroppsbalsam etter skrubb for dei to er ein uslåeleg duo.»
- Tara



⭐️⭐️⭐️⭐️⭐️
«Sitrongras hårserum er mitt favorittprodukt fordi den gjer håret veldig glansfullt, og eg merkar at eg har fått tjukkare hår. Eg bruker det i hodebunnen ca ein gong i veka, og eg tek hårserumet i om kvelden og har det i over natta. Eg føler hodebunnen blir friskare, og den er som medisin for håret. 
 
Eg likar lukten veldig godt og! Rosmarin hårserum er typisk den som får mest oppmerksomhet sidan rosmarin har trenda på TikTok, men denne er verkeleg like god. Eg merker eg får sunnare hår med dette serumet.»
- Jenny

 

Simon begynte her sommaren 2022, og fekk jobb fordi han var konkurransesvømmer! Som alltid med svømmere, så er dei gode til det meste, og det gjaldt Simon frå Stord og.
 
Han har jobba her ved sida av økonomistudier, og bidreg sterkt i kundeservice, i pakkeavdelinga og ordrebehandling, og så har han alltid mange gode historier på lur.


⭐️⭐️⭐️⭐️⭐️
«Sensuell. Det er berre eitt ord å seie: fantastisk! Den treng ikkje mykje introduksjon den her. 
 
Men seriøst: den burde vore i alle nattbordskuffer i heile verden, for den gjer ALT betre! Sensuell snakkar for seg sjølv. Sånn er det berre.»
- Simon

 

Christine begynte også med russedugnad for 1,5 år sidan, og fortsatte på fulltid frå sommaren 2024 då ho utmerka seg som ei meget arbeidssom og strukturert ung dame som likar å få unna ting.
 
Ho har fått mykje ansvar for ordrebehandling, og så er ho ei knallgod dame å ha som produksjonsassistent. Me diggar Christine.


⭐️⭐️⭐️⭐️⭐️
«Favoritten er Rose og rødkløverskrubb! Eg blir silkemjuk i ansiktet, og etter eg begynte å bruke den har eg ikkje klart meg uten for eg blir så fantastisk mjuk i huden. Den gjer huden så rein og den rensar godt. 
 
Eg bruker den som regel i dusjen, har krukka utanfor så det ikkje kjem vatn oppi. Eg tar litt pulver i handa, litt vatn og rører saman til ein graut og skrubber. Det er supert å gjere det i dusjen. Skrubben har perfekt konsistens for ansiktet, skrubber godt men og skånsomt for ansiktshuden.» 
- Christine

Marius begynte fordi han er ein av bestekompisane til Emil, og eg trengte desperat fleire folk. Det kunne gått gale, men det var perfekt! Marius er dedikert konkurransemann som jobbar strukturert og målretta.
 
Han har etterkvart fått bli ein del av det eksklusive produksjonsteamet, og den jobben gjer han knallgodt. Please, ikkje dra til Lillehammer for å satse på sykling! 


⭐️⭐️⭐️⭐️⭐️
«Panterbalsam er min store favoritt! Eg likar best å bruke den til trening og konkurranse der den hjelper med å auke blodsirkulasjonen og gjer musklane klare for å prestere.
 
Den luktar kjempegodt, og hjelper og mot forkjølingsplager. Eg er ein av dei som er veldig glad for at den er kome i store 100 ml krukker, for eg er storforbrukar!» 
- Marius

Jorunn er den første tilsette i full tid utanom meg sjølv, og vart ansatt for 4,5 år sidan. Ho er den du møter i telefon og på epost. Ho er motoren og hjula i kundeservicen, knallgod med folk og hjelper dei hundrevis som ringer og skriv til oss kvar veke.
 
I tillegg held ho kontroll på rekvisita og bestillinger av alt mogleg, så takk og lov for oss at ho har sånn kontroll og er så herleg vesen i tillegg.



⭐️⭐️⭐️⭐️⭐️
«Skogen på kroppen er min favoritt! Det er den beste sjampoen eg har brukt. Ja, for eg brukar den fast som sjampo faktisk! Einer er perfekt for mitt hår. Lukten er magisk og det er ingen andre såper som fjerner fjøslukt som den. Heldigvis brukar mannen min den i skjegget også etter fjøsstell!
 
Skogsåpa er sjølvsagt nydeleg på kroppen, og det er så digg at du ikkje blir tørr i huden av den. Den er absolutt favorittsåpa i heile huset, og ungane elskar å lage badeskum av den i badekaret. Innertier for meg!» 
- Jorunn

Daniel er og ein av bestekompisane til Emil, og blei kapra i min desperasjon etter meir arbeidsfolk. Det vart og eit fantastisk lukketreff!
 
Han er no forhandlaransvarleg og vår O store sjampokokar! Ikkje berre stor fordi han er 2.04, men fordi han er så knallgod til alt han gjer. Og så pedagogisk! Han har lært opp nye tilsette og forhandlarane elskar han. Nett som me gjer!


⭐️⭐️⭐️⭐️⭐️
«Tindved og Nesle! Etter Skogen på kroppen er dette det produktet eg bruker mest. Eg bruker den kvar dag og av og til både morgon og kveld, og bytter litt med ringblomst om kvelden. Eg likar veldig godt den gløden den gir huden om morgonen, og eg føler huden får det den treng for resten av dagen. Om kvelden føler eg huden reparerer seg gjennom natta med Tindved og Nesle på. Ja, eg føler meg rett og slett betre når eg smører meg med den. Eg bruker den og i kombinasjon med Rose og rødkløverskrubb, og det kjennes faktisk fantastisk ut!» 
- Daniel

Bendik er blant våre siste tilsette. Men sjølv om han kun har vore her i 4 månadar så har han alt gjort eit stort inntrykk på oss. Han vart tilsett som produksjonsmedarbeider og har lagt sin elsk på den harde sjampoproduksjonen.
 
Bendik har så herleg humør, bidreg aktivt med gode samtalar, og er også ein mann med mange talent. Han har alt gjort seg bemerka med ein nydeleg animasjonsfilm som de finn på Instagram. Der håpar eg de følger oss altså ;)



⭐️⭐️⭐️⭐️⭐️
«Eg har fått nærkontakt med Sjampoen! Eg kallar den min andre kjærleik! Eg er kome tett på den og fått sjå den frå frå a til å, frå urteplukking til ferdig fantastisk sjampo, og det er blitt spesiell reise. Det å dusje med den heime no er ei spesiell oppleving. Eg har fått meir fyldig hår, og så gir den meg gode barndomsminner. Når eg vaskar håret og lukker att augene ser eg for meg tettvokst skog, ei skikkeleg god kjensle! Heile familien bruker den sjølvsagt og!»
- Bendik

Emil har jo vokst opp med Vossabia, og jobba med mamsen sidan tidleg tenår. Det begynte med etikettklistring, så vart det pakking også, og no er han ein drivande god kar å ha i produksjonen. Han var den andre i verda (utanom meg) som fekk lære å lage sjampoen! Det var stort!
 
Og så er han også no forfremma til intern marknadsføringsansvarleg! Han truer stadig med å reise rundt i verda, men førebels klarar eg å halde på han eitt år til! Han koser seg med å jobbe med mamma sjølvsagt, og eg og han er eit superteam! Så glad for ein slik dyktig og ikkje minst morosam Kronprins!



⭐️⭐️⭐️⭐️⭐️
«Eg har brukt Ringblomstsalve så lenge eg kan hugse, og den har redda meg frå arr, sår, kviser, tørr hud og brukast alltid til etterbarberingskrem!
 
Dette er salven eg alltid anbefaler til folk som skal teste ut Vossabia for første gong. Denne slageren fortener verkeleg kallenamnet Vårt Lille Husapotek!» 
- Emil


Det var dagens “12 i bikuben”! 🐝✨

Ein herleg miks av historiar, latter, og ikkje minst produktkjærleik – og, ja, litt intern stoltheit.

Det kjem snart ein video på Instagram også, der denne gode gjengen forteller om favorittane sine. Så bli med vidare der!
 
Og så: kva med dei fine folka som ikkje var på jobb i dag? Det er nemleg fleire gode hoder, flinke hender og smilande fjes som ikkje var på jobb i dag – dei skal få kome med sine favorittar på instagram etterkvart dei og, så berre heng med oss der!

Vossabia-summetonen held fram 🐝💛 Gled dykk!

Helsing frå Renate og gjengen

i Vossabia💛