Statsråd Anniken Huitfeldt vitja Vossabia for opplevingar der koplinga mellom natur og kultur stod i høgsetet.

I tordenskrall og striregn var det godt å starte innandørs i huset Kveldsro med eit naturleg minispa der roseskrubb, ryllikmaske og rødkløverfotbad var blant ingrediensane – alt innhausta frå Vossabias natureng. Biene har sanka pollen og nektar frå blomane, før kulturministeren fekk nyta dei same urtene i mjukgjerande og rensande hudprodukt – ekte fleirbruk!

Då sola titta fram vart det spennande besøk i bigården der me sjekka om biene hadde begynt å laga honning. Tusenvis av bier summa tett på oss, men fascinasjon var langt sterkare enn frykt for Vossabias gode gjester. Kulturministeren styrte røykpustaren og dei entusiastiske assistent-birøktarane oppdaga at ei ny dronning nyleg hadde vorte fødd.

I middelalderhuset Steffaloftet avslutta statråden besøket med lokal mat tredd på Vossaspyd og vakre tonar frå Rannveig Djønnes eigenkomponerte låtar for toradar. I skikkeleg vossaånd kopla me saman avsluttinga av Landskappleiken med ”ekstrem bisport” og utnytting av dei endelause ressursane som fins i den vakre naturen her – til mat, drikke, hud og helse.

Vossabia takkar for besøket!

Vi er stolte og glade over å presentere eit heilt nytt produkt for nye og trufaste kunder:

Vossabia krydra honningskrubb

Vossabia sitrus & honningskrubb

Vossabia inviterte deltakarar frå konferansen til ei sanseleg og augeopnande gardsoppleving med økoturismefokus.

Tema for dagen: Korleis ta i bruk dei ressursane og den lokale eigenarten som ligg i natur, kultur, bygningar og historie på vestlandske gardsbruk og nytte dei i verdiskaping, nye produkt, pakking av opplevingar, presentasjon og nytenking?

Takk for ein inspirerande dag saman med flotte og berikande gjester!

På grunn av stor pågang har Vossabia no satt opp ein kveld til med Vinter-spa kurs! Fredag 12.2 kl 18-21 er det ny sjanse for ein aldeles suveren kveld med mykje moro, nytelse og velvære. Vil du bli med? Meld deg på ved å sende ein e-post til post@vossabia.no eller ring 99 79 29 98. Her er det førstemann til mølla

Heimelaga hudkrem

Midtvinters og sprengkulde! Ein dag på eit spa står sikkert øverst på mange si liste over livets store nytelser. Men kvifor vente til du kan dra på spa? Mange av dei velgjerande og helsebringande behandlingane du får på eit spa kan du faktisk nyte heime hjå deg sjølv, kvar dag. Det krev ikkje meir enn at du set av litt tid, lukker døra, slapper av og unner deg ein solid dose kroppsleg velvære.

Vossabia inviterer no til eit varmande og stimulerande spa-kurs! Det er kjempegøy å lage sitt eige spa med kun naturlege ingrediensar du lett får tak i på butikken. Vil du lære, leike og lage, for så å bruke gode spa-produkt av krydder, oljer, honning og frukt? Ansiktsmaske, skrubb og fotbad er nokre av dei deilige behandlingane vi skal gi oss sjølve, med eigenproduserte 100 % naturlege råvarer.

Bli med for å lære, blande og bruke dine eigne spa-produkt i Vossabias deilige hus Kveldsro. Når kvelden kjem er du herleg avslappa og har fått den mjukaste og mest velduftande hud

Kursavgift 550 kr, som inkl. kompendium med oppskrifter og tips. Førehandspåmelding, max 10 plasser.

Tek du toget frå Bergen kl. 16.10, kjem du akkurat i tide Gå av på Bulken ca. 1722. Ta kontakt og bli henta, Bulken stasjon er kun 3 min frå Vossabia. Retur frå Voss kl 2048.

Det er også mogleg å overnatte i gjestehuset Kveldsro som har totalt 10 sengeplasser: Priser og booking

Påmelding:

Send ein epost til post@vossabia.no med navn, adresse og telefonnummer til dei du melder på.