SKOGSÅPE til kropp! Her har me kokt einer frå skogen vår, lenge, slik dei gjorde i gamle dagar, og dermed fått einerlåg som grunnlag for denne deilige, veldig dryge og sanselege kroppssåpa. Saman med den antiseptiske og rensande einerlågen er det tilsatt milde såpestoff og sunne gode ingrediensar som pleier og tek vare på huden din. På toppen er det ein frisk melodi av skogsduft med økologiske eteriske oljer av furu og den meir eksotiske eukalyptus i botnen, og så litt frisk sitrus på toppen. Det er blitt både friskt og forførande!

Einer har vore brukt i tusenvis av år rundt om i verda, og spesielt i nord-områda som Nord-Europa, Nord-Asia og Nord-Amerika. Det er ikkje måte på kor mange bruksområde menneske har funne for den helsesame eineren frå oldtid til moderne tid, men ein gjengangar er dei rensande, antiseptiske og stimulerande eigenskapane for både innvortes og utvortes. Mange kjenner til einer til bruk i hårvask, og til og med til vask av koppar og kar, men den har også fabelaktige eigenskapar for huden også.

I SKOGEN PÅ KROPPEN får du ei skogsåpe med einer og furu som renser, pleier, stimulerar og gir deg ein naturleg toner til huden, og saman med dei andre gode ingrediensane frå planteriket etterlet skogsåpa huden mjuk og frisk. Ein oppløftande og herleg kroppsvask!

Innhald:

grunnvatn frå garden, kokt einerlåg*, sulfat vegetabilsk råsåpe (Mipa-Laureth Sulphate), sukkertensid (mild sulfat: Cocamidopropyl Betaine), jojobaolje**, guarmel frå guarbønner, guargummi frå guartreet, honning**, phytokeratin (vegetarisk protein av soya, mais og kveite), benzyl alcohol, eterisk olje av furu**, eukalyptus**, sitron** og sitrongras**.

*= frå ville vekstar på garden

**= frå økologisk landbruk

P.S. vil du lese meir om såpestoff og dei milde og skånsomme sulfata eg brukar, og forstå meir om kva som gøymer seg bak dei latinske navna? Her er ei god oppsummering synest eg:

https://www.lisaliseblog.com/2011/03/whats-in-shampoo-surfactant-guide.html

Select Filters

Could be good for

Fragrance

Ingredients

Products