🎂 Queen Bee is 50 years young! 🐝👸🏼 A celebration of life and nature 💚

Eg gledar meg skikkeleg til femtiåra. Det blir masse liv, fullt av sprell, skaparkraft, kreativitet og energi! ⚡️🤩 Det blir gode menneske på alle kantar, unge og vaksne. Så godt! Eg er så klar for eit nytt tiår med masse moro og spennande, og eg ser sånn fram til å fortsette å utvikle mi grøne bedrift, fremje heilskapleg helse, formidle om naturens magiske plantar og samspel, auke eigen kunnskap, og skape gode ting som er langt større enn meg og seg sjølv! 🌿💚 For ein fridom og rikdom det er! Å kunne utfolde seg og utforske og skape fritt 🕊️

Det einaste eg ynskte meg til 50-årsdagen er tid og nærleik med familie og vener, og umiddelbar, permanent våpenkvile og eit FRITT PALESTINA 🇵🇸! ❤️‍🩹 Eg har ein herleg og litt vill familie som eg fekk samla på dagen, og kvar dag venter eg på at våre medmenneske i Palestina skal kunne gjere det same. Samle familien i tryggleik. La det skje! 

På dagen min møttes me til mat og kos, og det einaste som eg sleit med då var at eg hadde gløymt både Konglelepper (som er på veg til å bli min nye favoritt) og alle andre leppisar! Eg hadde sprunge rundt og leppene var blitt tørre, men heldigvis redda søstrene meg med Konglelepper i veska!! 💋🙏😅 Pjuh!!

I dag er forresten også Konglelepper på meg og vetlasøstra Kine, som er med Vossabia og jobbar i dag! 😚💋

🥳 Då var det klart for å nyte stunda og 50-årsdagen saman! Me hadde nydelege timar i utruleg flotte Porsvika 125, ein enormt flott plass som er kombinert spisestad/overnatting/hage/strand/bakeri, og maten der er knallgod! 😍 Sjøkrepssuppen til forrett var intenst god! Trerettar’en vart avslutta med stjerner i augene og fest i kjeften med Fløyterand med jogurt frå Ostegården i Bergen og tindved (og eg elskaaaaar jo tindved!!)

Etter dette kanongode måltidet saman, rørande taler og deilig stund i solskinn og strandliv i Porsvika, så tok eg heile den ville gjengen med på tur på kyststien!

Eg overraska der familien med fest og moro på hytta vår Kvilepulsen 🎉 som ligg på svaberg omkransa av kun lyng og einer, og me hadde ei heilt magisk og perfekt feiring! 💫

Panterbalsamkrukka gjekk i skytteltrafikk mellom søstre, svograr, kusinar og nevøar, medan me landa fisk etter fisk på brygga! Perfekt kveld det for meg som elskar å fiske! 💆 Det er rein meditasjon! Og så kjekt å sjå at Jonatan har arva gleden og roen ved å fiske leeeeenge om gongen! 🐡🐟

Purpyrlyng og klokkelyng blømer sterkt i lilla og rosa innimellom vakker grøn einer rundt hytta og i heiane overalt der. Snart blømer og røsslyngen, den det er mest av. Det er så pent! 🤩 Og det er så masse interessant med lyngen! Den er veldig viktig for kulturlandskap og beiting, og biene er avhengig av lyngens rikdom av nektar 🐝 noko som gir tunge bikubar av lynghonning på seinsommaren. Men, lyng er også, sjølvsagt, ein spennande medisinsk plante ❤️‍🩹

👉 Blomane er tradisjonelt kjent for å ha antibakteriell og betennelsesdempande effekt. Dei har ein rik profil av bioaktive forbindelsar som flavonoider, procyanidiner, fenolsyrer, katekiner og triterpener. Lyng inneheld og arbutin og ursolsyre, som begge er verdifulle for hudpleie.

Altså, er det ikkje fantastisk!! 😃 Og dette er berre lyngen! Så har me jo tang og tare, og altså den vakre, kraftfulle eineren ved havet. Kanskje eg rett og slett må utvikle ein kystserie no!?! 🤔😁

No for tida er det mange som hostar og harkar, og slit med kraftige forkjølingar 🤧 Så kanskje eg skal plukke med meg ein del røsslyng no når den straks blømer, tørke den og lage te til alle som er innom her 😉

· Hell i to te-koppar, og søt med honning når teen er blitt litt avkjølt, og ha eventuelt litt sitron i