Renate Lunde, Vossabia, tek i mot den gjeve prisen som årets kvinnelege gründer i Hordaland.

I oktober vann Vossabia ved Renate Lunde den aller fyrste Kvinnovasjonsprisen i Hordaland! I desember vart Vossabia Månedens gründer på kvinnovasjon.no, og er no i tillegg nominert kandidat til Årets namn i avisa Hordaland. Det er stor stas og skikkeleg motiverande å verta lagt merke til på ein slik flott og positiv måte!
http://kvinnovasjon.no/grunder/vossabia-hordaland

Eg er utruleg takksam for all den gode og ofte fantastiske responsen frå kundane mine! Initiativrike, bevisste, positive og oppmuntrande kundar som stimulerer meg med spennande og hyggelege tilbakemeldingar på Vossabia-produkta! Med helse og naturen som fundament og plattform ynskjer eg nye og gamle kundar velkomen til meir bevisst handel og utvekslingar!

Me har tusenvis av fantastiske bier som lagar bivoks og honning frå det store mangfaldet av blomar på naturengene på garden vår, og desse utrulege råstoffa har me kobla saman med nøye utvalde urter for å få fram naturens eigne pleiande og velgjerande eigenskapar. Resultatet er ein serie med heilt naturlege og økologiske produkt som er mat for huden og kroppen – om du treng fuktigheit, mjukgjerande krefter eller hjelp med eksem, kviser eller kløande problem til dømes. Men det går veldig fint an å bruke Vossabia sin hudpleieserie berre fordi den er deilig på kroppen også Og så er det jo fint å tenke på at du også bidrar til miljøet ved å unngå syntetiske kjemikalier både i forhold til di og jordklodens helse!

Julekampanjepakker:

Til Kjæresten - Kroppsskrubb, Sensuell og Leppepomade for gode kyss! 550,-

Til Friluftsdama/typen - Kuldekrem, Leppepomade! 250,-

Til Familien - Ringblomstsalve, Kuldekrem, Panterbalsam! 550,-

Til Småbarnsforeldre - Babysalve, Ringblomstsalve, Kamillebalsam! 600,-

Til Dama - Ringblomstsalve, Augebalsam, Leppepomade! 460,-

Til Mannen - Sensuell, Krydra honningskrubb, Ringblomstsalve! 740,-

Til velværespesialisten - Sitrus- og honningskrubb, Kamillebalsam, Augebalsam! 710,-

Til den ville - Sensuell, Sitrus- og honningskrubb! 490,-

Andre butikkar som sel Vossabia: Patina på Evanger, Den Grøne Butikken på Voss, Myrkdalen Fjellandsby.

Velkomne til intimkonsert av det magiske slaget!! Berit Opheim og Kim André Rysstad syng Draumkvedet, for fyrste gong saman!! Dette skjer i middelalderhuset Steffaloftet hjå Vossabia, eit hus som er perfekt eigna for det visjonære Draumkvedet. “Det er som å ta Draumkvedet heim”, seier Berit Opheim om det å synge dette storslåtte diktet i eit rom meint for denne type musikk.

Om de vil reservera billett kan de gjera det anten her, på epost: renate@vossabia.no eller på tlf: 99 79 29 98.

Vegskildring frå Voss:
Det tek ca 13 min å køyre frå Voss til Vossabia på Væte.
Køyr E16 til du kjem til Bulken, ta av til høgre og følg skilt til Bulken (første til høgre). Følg så skilt til Vestbygdi (sving 180 grader til venstre ovanfor Bulken togstasjon) og køyr oppover 1 km til du kjem til kvitt gateskilt ‘Væte’. Ta av der, til høgre inn i gardstun, sving oppover, køyr vidare 900 meter oppover, og du er framme!

http://www.visitvoss.no/no/Vinter/Overnatting/Personlig-innkvartering/?TLp=456137&view=map

Kim André Rysstad og Steffaloftet

Velkomen til eksklusiv intimkonsert sundag 16. januar kl 19.00! Inngang 250,-

Dei to kjende kvedarane Berit Opheim og Kim André Rysstad syng for fyrste gong det storslåtte visjonsdiktet Draumkvedet saman. Deira urframføring saman av middelalderdiktet skjer i eit tømra hus frå middelalderen – så stemning og atmosfære vert magisk og intim.

Det er kun plass til ca 40 stk i huset, så gje beskjed om de vil reservere billett, eller ver tidleg ute.

For køyreskildring frå Voss til Vossabia, klikk her:

Vis større kart

Julegåvepakke frå Vossabia

Er du enno ikkje i havn med årets gåver kan Vossabia kanskje freiste med parabenfrie og 100 % naturlege produkt for nyte og nytte! Og fri frakt på alle bestillinger ut året!

Til Kjæresten – Kroppsskrubb, Sensuell og Leppepomade for gode kyss! 480,-
Til Friluftsdama/typen – Kuldekrem, Leppepomade! 235,-
Til Familien – Ringblomstsalve, Kuldekrem, Panterbalsam! 425,-
Til Småbarnsforeldre – Babysalve, Ringblomstsalve, Kamillebalsam! 530,-
Til Dama – Ringblomstsalve, Augebalsam, Leppepomade! 385,-
Til Mannen – Sensuell, Krydra honningskrubb, Ringblomstsalve! 625,-
Til velværespesialisten – Sitrus- og honningskrubb, Kamillebalsam, Augebalsam! 585,-
Til den sarte – Kamillebalsam, Bringebærhonning! 230,-
Til den ville – Sensuell, Sitrus- og honningskrubb! 435,-

Vossabia er lukkeleg etter ei fantastisk helg på Bergen Matfestival! Nye og spesielt gamle kundar gjorde opplevinga særs hyggeleg og minnerik Tusen takk for alle spennande og fabelaktige tilbakemeldingar på produkta, det er verkeleg varmande og interessant å høyre korleis de brukar produkta og korleis dei fungerer på dykk! Skriv gjerne om eigne erfaringar på nettsida, facebook eller på epost

Til alle som har fått med seg Honning med whisky heim vil eg tilrå ein deilig varm kopp med sjokolade. Bruk 70 % sjokolade, varm opp i to koppar melk, ha i 1 kanelstang, eit godt dryss med chillipulver og 1 ss Honning med whisky. Varm opp og la alt trekke godt i lag, og deretter NYT!

Kulturminister på spa og bisafari hjå Vossabia

Statsråd Anniken Huitfeldt vitja Vossabia for opplevingar der koplinga mellom natur og kultur stod i høgsetet.

I tordenskrall og striregn var det godt å starte innandørs i huset Kveldsro med eit naturleg minispa der roseskrubb, ryllikmaske og rødkløverfotbad var blant ingrediensane – alt innhausta frå Vossabias natureng. Biene har sanka pollen og nektar frå blomane, før kulturministeren fekk nyta dei same urtene i mjukgjerande og rensande hudprodukt – ekte fleirbruk!

Då sola titta fram vart det spennande besøk i bigården der me sjekka om biene hadde begynt å laga honning. Tusenvis av bier summa tett på oss, men fascinasjon var langt sterkare enn frykt for Vossabias gode gjester. Kulturministeren styrte røykpustaren og dei entusiastiske assistent-birøktarane oppdaga at ei ny dronning nyleg hadde vorte fødd.

I middelalderhuset Steffaloftet avslutta statråden besøket med lokal mat tredd på Vossaspyd og vakre tonar frå Rannveig Djønnes eigenkomponerte låtar for toradar. I skikkeleg vossaånd kopla me saman avsluttinga av Landskappleiken med ”ekstrem bisport” og utnytting av dei endelause ressursane som fins i den vakre naturen her – til mat, drikke, hud og helse.

Vossabia takkar for besøket!

Tema for dagen: Korleis ta i bruk dei ressursane og den lokale eigenarten som ligg i natur, kultur, bygningar og historie på vestlandske gardsbruk og nytte dei i verdiskaping, nye produkt, pakking av opplevingar, presentasjon og nytenking?

Takk for ein inspirerande dag saman med flotte og berikande gjester!